Mugikortasun astea dela eta eskualde mailan bigarren eskuko txirrinduen azoka antolatu dugu. Urretxun IRAILAK 17an izango da, astelehenean, Areizaga plazan.

ORDUTEGIA: 11:00-20:00

Lurdes Ulazia eta Ana Santiagok egur torneaketa artistikoan egindako lanen erakusketa ekarri dute Urretxura eta ikusgai izango dugu irailaren 14tik 30era Juan de Lizarazu aretoan.

Artisauen erakusketa antolatzeko lanean, Lekaio Kultur Elkarteak hainbat lanabes  berreskuratu eta egokitu ditu azken urte hauetan. Lan horren lagin bat ikusgai  izango da udaletxean. Bertan, lurra lantzearekin, zurgintzarekin edota etxeko  hainbat zereginekin zerikusia duten lanabesak izango ditugu ikusgai.

Urretxuko Udala, karrozak egiten ari diren lokalean izandako eraso eta hainbat karrozatan egindako kalteen aurrean, bere erabateko haserre eta gaitzezpena adierazi nahi ditu.

Atzo kloroarekin izandako arazoak konpondu ondoren, berriro ere behar den neurketak egin dira eta hauek behar bezalako emaitza eman dutenez igerileku handia berriro ere ireki da gaur goizean.

Kloroarekin izandako arazo batzuk direla eta igerileku handia itxi behar izan ditu udalak.
Neurria behin-behinekoa da, eta arazoa konpondu bezain pronto, urak eta igerilekuek bainurako baldintza egokiak betetzen dituela bermatu ostean,  irekiko da berriro ere.

Azken egunotan Urola ibaian hildako arrainak agertu dira . Hori ikusita,Urretxuko Udala AQUARBErekin harremanetan jarri da, arazorik balego, hau konpontzeko. AQUARBEK, kolektoreko kutxatilak begiratu ostean, ibilbide osoan ihesik ez dagoela egiaztatu du. Ihesik balego gainera, hau goragotik etorriko litzatzekeela azaldu dute.

Urte hasieratik eta bereziki uztailean Santa Anastasia Jaien egitaraua osatu eta antolatzeko bilera ireki eta parte hartzaileak egin dira. Gainera sare sozialen bidez ere iritzi asko jaso dira eta inkestetan ere esku hartze handia izan da. Hemen ikusi dezakezue lan horren emaitza jai egitarauan. Eskerrik asko denoi.