Jaiak
Otsaila / Martxoa
Euskal Herriko beste leku askotan bezelaxe, Urretxun ere ospatzen dira Ihauteri jaiak. Ostirala izaten da egunik garrantzitsuena ikastetxetan. Mozorro jantziek festa giro alaia jartzen dute gure kaleetan. Garrantzi handikoa da Lurra dantza taldeak urtero egiten duen Euskal Herriko Inauteriaren antezpena inauterietako larunbata goizean.
Ekaina
Aspalditik ospatzen da Urretxun San Juan gaua eta eguna, udako solstizioa. Ekainaren 23an, gauean, ohitura zaharrari eutsiz, urretxuarrek dantza egiten dute suaren inguruan; ekainaren 24an erromeria izaten da Santa Barbarako ermita inguruan. 1893az geroztik egiten da erromeri hori, ermitan berrikuntza garrantzitsua egin zen urtea hain zuzen ere.
Uztaila
Geltokietako bizilagunek (Urolako eta Renfeko geltokietakoek) ospatzen dute egun hori, Urretxu eta Zumarragako bizilagunak biltzen dituen jaia. Uztailaren 10ean egiten da.
Iraila
Urretxuko herriak irailean ospatzen ditu santu honen omenezko jai nagusiak, bere gorpuzkinak Urretxun baitaude. Garai batean San Martinen omenez egiten ziren jai nagusiak, baina 1674 urtean Nekolalde kardenalak martiriaren gorpuzkinak Jativatik Urretxura ekarri zituenetik.
Iraila
Urretxuar talde batek 1959an sortua. Euskaltasuna eta euskal kulturaren aldarrikapen jaia da. Nahiz eta erasoak jaso dituen, bizirik dirau eta urretxuarren erabateko atxikimendua du. 2009an 50 urte bete zituen jai honek eta horren harira ospakizunak antolatu ziren.
Azaroa
Santa Anastasiaren gorpuzkinak Urretxura ekarri aurretik, antza denez San Martinen omenez ospatzen ziren jaiak, beste toki askotan bezelaxe. Hala ere, azaroaren 11an buzkantzak eta odolkiak jateko ohiturari ederki eutsi zaio; herri afari dexente egiten dira egun horretan.
