Urretxu eta Zumarragako udalek antolatuta, pailazoek “Tipi, tapa, Korrika” ikuskizuna ekarriko dute Urretxuko Ederrena pilotalekura. Sarrerak eskuragarri dituzue 7 eurotan Ederrena tabernan bertan, maiatzaren 6a arte. Maiatzaren 7an, leihatilan, 12:30-13:30 eta 15:30-17:00, beti ere sarerak agortu arte.
Datozen jai eta opor egunetan aukera asko izango dira Urretxun aisialdiaz gozatzeko. Alde batetik, Santa Barbara aterpetxeak antolatutako ekintzak ditugu. Ezin ahaztu oraindik orain bertan inauguratu den mikro-orientazio zirkuitua, bertako zelaietan jolastu eta gozatzeko. Aikur erke museoa ere gertu dugu. Eta pazko astean, txikientzako tailerrak izango dira Lizeoko soinketa gelan.
Joxemari Iparragirre koblakaria jaio zeneko 200. urteurrena ospatuko da 2020. urtean, hemendik hiru urtera hain zuzen ere. Zalantzarik gabe ospakizun garrantzitsua izango da Urretxuko herriarentzat, eta horrela izanik, Urretxuko Udala hasia da lehen urratsak ematen 2020an egin litezkeen ekitaldiei begia jarrita.
Sasieta mankomunitateak 2017ko urtarrilean jasotako hondakinen inguruan argitaratutako datuen arabera, Urretxuk %74ko gaikako bilketa egitea lortu du, abenduan baino puntu bat gehiago, eta hain zuzen ere, abendua izan zen edukiontzi grisa ezarri ondorengo lehen hilabetea.
Datozen egunotan Labeaga eta Ipeñarrieta kaleen artean Urola ibaia zeharkatzen duen zubian lan desberdinak egingo dira. Honek, bide itxierak, aparkaleku moldaketak eta autobus zerbitzuaren geltoki aldaketak ekarriko ditu. Informazio zabalagoa atxikitako dokumentuan ikusi daiteke.
Unai Badiolak zinegotziari izateari uko egin dio. Alderdi politikoek eskertu zuten Badiolaren dedikazioa, Jon Luqui alkateak azpimarratu zuen "udal lanerako izan duen jarrera, zerbitzu publiko gisa ulertuta" eta bere taldeko bozeramaile eta alkate ohi Oihane Zabaletak eskertu zion "duela sei urte elkarrekin abiatutako bidea".
Pasa den igande arratsaldean jokatu zen Mingainluze lehiaketaren azken saioa. Zortzi talde finalistak gogo betez aritu ziren lanean; ordu eta erdi pasatxo jardun ondoren, KITIPASA taldea suertatu zen irabazle, hain zuzen ere lehiakide hauek: Unai Urkiola, Markel Agirrezabala eta Paul Barrenetxea). Zorionak hiruroi. Sari banaketarekin eman zitzaion amaiera.
Pasa den asteburuan jokatu dira Mingainluze lehiaketako seigarren edizioko finalerdiko saioak, umoretsu eta jendetsuak, emozioz beteak. Hogeita lau taldek hartu dute parte saio horietan, 3ko taldetan banatuta. Guzti horietatik zortzi taldek egin dute aurrera, eta datorren igandean jokatuko dute final haundia. Urtarrilaren 29an, 17:00etan. Amaieran sari banaketa ekitaldia egingo da.
Urretxu eta Zumarragako euskarazko irakurle taldeak 2016-2017 ikasturteko laugarren saioa egingo du urtarrilaren 24an, asteartea, arratsaldeko 19:00etan. Urretxuko udal liburutegian izango da saioa. Mikel Peruarena Ansa idazlearen "Su zelaiak" liburua izango dute aztergai taldekideek.
