Berriak
Gipuzkoako Foru Aldundiak Azkoitia eta Urretxu lotzen dituen GI-631 errepidearen hobekuntzako bigarren faseari ekingo dio. Lanak azaroaren 4an hasiko dira, eta 1,45 kilometroko zatian egingo dira, 22+950 eta 24+400 kilometro puntuen artean. Fase honetan, aurreratzeko bi tarte berri egokituko dira, noranzko bakoitzean bat, bide-segurtasuna eta trafikoaren arintasuna hobetzeko helburuarekin. Lanak 13,3 milioi euroko aurrekontua du (BEZa barne) eta 31 hilabeteko epean gauzatuko dira.
Aurtengo Urrelur astea urriaren 28tik azaroaren 3ra luzatuko da, baina lehenengo ekintza larunbat honetan bertan izango da irteera mineralogiko paleontologikoarekin.
Teknologia eta hizkuntzaren bidezko sormena landuko dituzte partaideek, ordenagailuei tripak aterata, azaroko lau ostegunetan, 15:30etik 17:00etara
Igandean hasiko da Urretxuko Udazkeneko Musika Zikloaren 38. edizioa, ohi moduak Urretxuko Udalak eta Goiargi abesbatzak lankidetzan antolatuta.
Errioxako paleontologiaren bi zutabe garrantzitsu bisitatuko ditugu: IGEA, bere interpretazio zentroa, dinosauroen alorrean mundu mailako aurkikuntza nabarmenekin eta bere zuhaitz fosil ospetsuarekin. ARNEDOko Natur Zientzien Museoa ere bisitatuko da, bertan, Errioxako aztarna mineralak eta fosilak daude.
Urretxuko udal gobernuak 2023-2027 legealdi plana aurkeztu du. Hiru ardatz eta 87 ekintza jaso ditu bertan.
Urretxuko Udalak Mineralogia eta Paleontologia Asterako hainbat langile kontratatu behar ditu:
- Mineraletako museorako atezain 1
- Udaletxeko atarian kokatuko den erakusketarako atezain 1
- Frontoirako atezain 1
- Haur parkerako 6 begirale).
Izen-emateko epea: 2024ko urriaren 17a, arratsaldeko 14:00ak arte udaletxeko erregistro orokorrean.
Urriaren 4an jakinarazi zen Urretxu eta Zumarragako udalek 2024an antolatu duten pintura lehiaketaren emaitza, Urretxuko Juan de Lizarazu erakusketa aretoan egin zen emanaldian. Urriaren 4tik 13ra lehiaketako lanen aukeraketaren erakusketa bisitatu ahalko da Juan de Lizarazu aretoan, asteartetik igandera 17:30 - 20:30 (urriak 7 astelehena itxita).
Urretxuko +65 Foroak lehen sorospenei buruzko hitzaldia antolatu du datorren urriaren 24rako, arratsaldeko 17:00etan, Aizpuruenea Kultura Etxean, Urretxuko Gurutze Gorriaren eskutik.
