4.1 Herritarrekiko harremana hobetzea

• Harrera-bulegoak izan behar du udalaren benetako sarrera-atea, eta pertsona guztien zalantzei erantzun behar zaie bertan. Informatzeko, izapidetzeko eta kudeatzeko udal-zerbitzu gehienak modu integratuan eskaintzea da helburua, aurrez aurre, telefonoz zein bide telematikoz. Zerbitzu-orientazio eta -bokazio argiarekin pentsatu eta diseinatuko da, herritarrek erosotasunez jo dezaten udalera, eta herritarrekiko komunikazioa eta harremana errazteko.
  • Administrazio-izapideen eskuliburua prestatzea.
  • Zerbitzuen gutuna prestatzea; udalaren zerbitzu jakin batzuei buruzko informazio nagusia jasoko da, eta eskubideak eta betebeharrak nahiz kalitate-konpromisoak zehaztuko dira.
  • Espedienteen kudeaketa ezartzea, berorien jarraipen telematikoa egin ahal izateko.
  • Zerbitzu telematikoen kopurua progresiboki handitzea.
  • Beste administrazio batzuekiko elkarreragingarritasuna sustatzea.
  • Sinadura elektronikoa ezartzea.
  • Udal-zerbitzuen kalitatea sustatzea.

4.2 Herritarren parte-hartzearen instituzionalizazioa gobernu irekiaren estrategiaren markoan

• Udalaren kudeaketan parte hartzeko eredu integrala eta integratua bilatzen dugu; ordenan eta herritarren parte-hartzearen aldeko apustuan oinarrituko da, eta gero eta espazio, prozesu eta esperientzia gehiago hartuko ditu barnean, udal-kudeaketaren hainbat esparrutan.
• Planteatzen dugun eredua saiatuko da herritarrei ikusarazten parte-hartzea pertsonalki eta sozialki baliagarria eta eraginkorra dela, eta plangintza batean eta prozesu parte-hartzaile inklusibo, garden eta irisgarrien ondorengo inplementazioan oinarrituko da; prozesu horiek eragileen arteko lankidetza eragingo dute, eta eragile horiek parte-hartze zabal eta askotarikoaren eredu eta bultzatzaile izango dira. Bestalde, prozesu eraginkorrak izango dira, parte-hartzean oinarritutako ekimenek hartuko diren azken erabakietan epe laburrean eta ertainean duten benetako eragina ikustea ahalbidetuko baitute.

4.3  Parte-hartze gaitasunak garatzea lankidetza printzipioaren bitartez

• Urretxuko Udalaren egitura politikoa eta antolamendua egokitzea.
• Gobernuaren Gida Plana prestatzea udalerako, 2016-2019 urteetarako; plan irekia izango da, eta honako hauek adieraziko dira: helburuak, planak ildo estrategikoak, jarduketa-planak eta ekintzak, jarduketa-kronogramak eta ebaluaziorako tresnak; azkenik, baliabideak ere zehaztuko dira.
• Gobernu irekia, parte-hartzean oinarritutakoa, garatzeko ordenantza bat edo arautegi bat adostea eta prestatzea.
• Udalerriak sustatutako eta parte-hartzean oinarritutako ekimen guztiak martxan jartzeko kontuan izan beharreko protokolo bat zehaztea.
• Erabilera-eskuliburu espezifikoak prestatzea jarduketa-esparru zehatzetan herritarren parte-hartzea eraginkortasunez gauzatzeko.
• Gutxieneko irizpideak ezartzea aukera eta interesekin lotuta, plan, programa edo proiektu jakin baten diseinuan parte-hartze prozesua txertatu beharra zehazteko.
• Parte hartzeko metodologien eta zuzeneko kanalen edo kanal birtualen integrazioa bermatzea.
• Sare sozialetan adierazpen-askatasuna kudeatzeko eredu bat txertatu dela egiaztatzea.
• Kalitate demokratikoari buruzko irizpideen proposamen bat formulatzea, parte-hartze prozesuak ebaluatzeko helburuarekin.

ARDURADUNAK: BKT, J. Luqui, I. Agirre, M. Fidalgo

4.4 Komunikazio instituzionala

• Azken urteetan, erabat aldatu da herritarrek erakunde publikoei buruz duten iritzia. Herritarrekin zerikusirik ez duen zerbait zirela pentsatzetik guztion zerbitzura daudela pentsatzera igaro gara, eta herria oso identifikatuta sentitzen da haiekin. Udalen kasuan gertatu da hori, batez ere.
• Horregatik, beharrezkoa iruditzen zaigu komunikazio-estrategia bat ezartzea, udalaren ikuspegi integrala hartuko duena barnean:
  • Webgunea egokitu egingo da, bizi dugun garaiarekin bat etor dadin eta herritarrei hainbat balio helaraz diezaien, plan honetan adierazitakoen ildotik: eraginkortasuna, parte-hartzea, gardentasuna, hurbiltasuna, modernotasuna, etab.
  • Sare sozialak erabiliko dira.
  • Kaixo, udalaren aldizkaria.

ARDURADUNAK: I. Agirre, M. Fidalgo, J. Luqui

5.1 Oinordetzan hartutako zorpen maila kentzea

• 2015eko abenduaren 31n, Udalaren zorra 1.739.840 eurokoa zen, interesak sartu gabe. Zorraren proiekzioa honako hau da:

2016/12/31: 1.483.447€
2017/12/31: 1.045.078€
2018/12/31:   576.677€
2019/12/31:   251.937€
2020/12/31:     33.850€

• Gobernu talde honen helburua da legealdiaren amaiera aurretik zorra kentzea, ondorengo udalbatzek osorik erabili ahal izan dezaten udal arrekontua, finantza-karga erantsirik gabe.

5.2 Zerga bilketaren efizientzia

• Udalaren zerga bilketak Udalaren helburuak lortzea ahalbidetuko duten diru sarreren zati bat eman behar dio udalerriari. Hortaz, hil edo biziko garrantzia du udal tasetan eta ordenantzetan aurreikusitako sarrerak borondatezko epean jasotzea, batez ere araututako kontzeptuak.
  
  • Udal tasa eta prezio publikoen sarreren kudeaketa hobetzea borondatezko epean.
  • Modu mailakatu batean, eskainitako zerbitzuen mailara egokitzea eta doitzea tasak.
  • Berankortasun maila murriztea.

ARDURADUNAK: Interventor, I. Agirre, J. Luqui

6.1 Udal zerbitzuen katalogoak egitea

• Tokiko administrazioak derrigorrez eman beharreko zerbitzuak definitzen dituen eskumen markoa eskaintzen du legeria aplikagarriak.
• Hala ere, Urretxuko Udalak, izatez, legeak ezartzen duen gutxieneko eremua gainditzen duten beste batzuk eskaintzen ditu, beste Herri Administrazio batzuen berezko zerbitzu osagarriak eskainiz, gertutasun eta subsidiariotasun irizpideen arabera.
• Zerbitzu katalogo zabal hau Udal Administrazioan behar bezala txertaturik geratzea nahi dugu.

ARDURADUNAK: BKT, M.J Begiristain, J. Luqui, I. Zubillaga

7.1 Ondare higiezinaren eta gerorako erabileren katalogoa

• Epe motz, ertain eta luzerako premiak aztertzea.

ARDURADUNAK: M.J. Begiristain, J. Luqui, I. Zubillaga

7.2 Kultur ondarearen katalogoa

• Epe motz, ertain eta luzerako premiak aztertzea.

ARDURADUNAK: B. Etxaniz, M. Castillo, J. Luqui, I. Zubillaga, M. Fidalgo

7.3 Nekazal ondarearen katalogoa

• Epe motz, ertain eta luzerako premiak aztertzea.

ARDURADUNAK: M.J. Begiristain, A. Lizarralde, J. Luqui, I. Zubillaga

8.1. Zahartze aktiboa

• Gizartean duen parte-hartzea bermatzea, dituen premien, nahien eta gaitasunen arabera eta ahalik eta gehien baliatuz osasun fisiko ona izateko, emozionalki ondo sentitzeko eta gizartean inguru onuragarria izateko aukerak. Adineko pertsonen bizi-kalitatea eta bizi-itxaropena hedatzea da helburua. Horretarako, honelako ekimenak ditugu:
  • Tipi Tapa: adineko pertsonei begira astero antolatutako paseoak, ariketa fisikoa sustatzeko, autonomia pertsonala bultzatzeko eta mendekotasunari aurrea hartzeko.
    Kaleko gimnasioak: eguneratzen, berritzen eta hirugarren adineko jendearen artean horien erabilera bultzatzen jarraitzeko konpromisoa.
  • Kaleko gimnasioak: eguneratzen, berritzen eta hirugarren adineko jendearen artean horien erabilera bultzatzen jarraitzeko konpromisoa.
  • Erretirodunen etxeko jarduerak: hainbat lantegi daude (erorketei aurrea hartzea, memoria, sakelako telefonoen erabilera, etab), eta, horiez gain, jarduera ludikoagoak ere egiten dira, adineko pertsonen astea, adibidez, San Martin egunaren inguruan; edo beste jarduera berritzaileago batzuk, sei hilean behin argitaratzen den aldizkaria, adibidez.
  • Belaunaldien arteko trukea: araututako eta gainbegiratutako lantegiak; Gaztebideaneko gazteek eta adineko pertsonek elkarrekin lan egiten dute jarduera berean.
  • Parte-hartzea: Urretxu Lagunkoia programaren bitartez, hirugarren adineko pertsonek Urretxuren diagnostikoan eta diseinuan parte hartuko dute, hala, udalerriko auzoen eta inguruen hobekuntzan parte hartuz, Urretxu lagunkoia eta hesirik gabea lortzeko.

8.2. Menpekotasuna duten pertsonak: Adineko pertsonen edota mendekotasun fisiko edo psikologikoren bat duten pertsonen ongizatea bermatzea, horretarako beharrezko laguntza emanez, egoera eta kasu bakoitzaren arabera:

• Eguneko Zentroa: erabiltzaileak suspertzeko edo ahalik eta autonomia handiena izateko helburua du, hala, mendekotasuna ahalik eta gutxien areagotzea lortzeko. Horretarako, honako hauek eskaintzen ditu: Eguneko arreta, astelehenetik ostiralera eta asteburuetan:
  • Eguneko arreta, astelehenetik ostiralera eta asteburuetan.
  • Laguntza integrala, ahalik eta autonomia gehien izateko programa egokiak garatuz, dietistaren laguntzarekin, terapien bidez, etab.
  • Erabiltzaileen familiei laguntzea eta aholkuak ematea, etxean ere ahalik eta modu egokienean zain ditzaten.
  • Eguneko Zentrorako egokitutako garraioa, erabiltzaileak beren etxeetatik ahalik eta hurbilen jasoz.
• Etxez Etxeko Laguntza Zerbitzua: etxez etxeko laguntza-zerbitzuaren bidez etxeko lanak edota arreta pertsonalarekin eta higienearekin lotutako zereginak egiten dira onuradunen etxean bertan.

8.3 Arrazoi ekonomiko edo/eta sozialengatiko gizarte-bazterketa: Pertsona guztiek eskubide eta betebehar berberak izango dituzten gizartea eraiki nahi dugu; pertsonen egoera ekonomikoa eta soziala edozein izanik ere, pertsonen desberdintasunak errespetatuko dituen gizartea, oinarrizko premiak –ekonomikoak nahiz enpleguarekin, harremanekin, hezkuntzarekin, osasunarekin edo etxebizitzarekin lotutakoak– aseko dituena.
Gizarte-bazterketarako hainbat modu daude, eta hainbat neurri eta laguntza ezarriz bazterketa oro eten nahi dugu, pertsona bakoitzaren egoera banan-banan aztertuz eta diagnostiko pertsonalizatua eginez.

• Gizarte-larrialdiko laguntzak, bazterketa pertsonal eta gizarte-bazterketako egoerak nahiz laneko bazterketako egoerak arintzeko eta baliabide pertsonal, sozial edo ekonomiko nahikorik ez duten pertsonen gizarteratzea errazteko, herritar guztien gizarte-eskubideak modu eraginkorrean gauza daitezen.
• Gizarte-larrialdiko laguntzetan kontuan hartzen ez diren beharrei erantzuteko banakako laguntzak (eskolaz kanpoko jarduerak, etab.
• Gizarte-larrialdiko etxebizitza: gizarte-larrialdiko etxebizitza bat izatea premia larrietarako, bai tratu txarren kasuetarako, ohiko etxebizitzak kalte larriak izan dituelako, etab.
• Elkar Ekin banakako laguntza-plan berrian parte hartzea eta plan hori abiaraztea.

8.4 Dibertsitate funtzionaleko pertsonak gizarteratzea: Kirol integratzailea sustatzea, behin-behineko ekintza edo ekimen espezifikoetan nahiz garatuko diren gainerako politiketan eta neurrietan ikuspegi "integratzailea" aplikatuz

• Kirol integratzailerako programa: kirola sustatzea aniztasun funtzionala duten pertsonen artean, eta aniztasun funtzionala duten eta kirola egiten duten pertsonak ikusgarri egitea.
• Herri lagunkoia: Urretxu Lagunkoia programaren bitartez, edozein aniztasun funtzional duten pertsonek Urretxuren diagnostikoan eta diseinuan parte hartuko dute; udalerriko auzoetan eta inguruetan parte hartuko dute horrela, Urretxu lagunkoia eta hesirik gabea lortzeko.
• Elbarrituei zuzendutako aparkalekuak antolatzea eta kontrolatzea

8.5 Familiei eta adin txikikoei laguntza

• Gune Irekiko Programa arrisku-egoeran dauden adingabeei eta gazteei zuzendutako gizarte-heziketako esku-hartze programa da, adingabe eta gazte horiek gizarteratzeko helburua duena.
• Horretarako, etxeetan, hezkuntza-ekipamendu soziokultural formaletan eta ez-formaletan, kalean eta bestelako esparruetan lan egiten da.
• Banakako laguntzak: tratamendu-programaren bat egiten duten eta bazterketa-egoeran dauden bizilagunei, senideak espetxean dituztenei edo gizarte-larrialdiko laguntzetan sartzen ez diren premiak dituztenei zuzentzen zaizkie.
• Laguntza psikologikoa eskaintzen zaie hala eskatzen edo behar duten familiei.

8.6 HARRERA PROTOKOLOA garatzea, hedatzea eta ezartzea:

• Immigrazio eta Aniztasun Plana hedatzeko eta ezartzeko konpromisoa.
• Zumarraga plan honetan eta planetik sortuko diren ekimenetan txertatzeko konpromisoa, bi udalerrien arteko lankidetza-hitzarmen baten bidez; “Bizikidetza Mahaia” sendotu behar da, aniztasunaren behatoki izaten jarraitzeko eta bi udalerrietako jendea har dezan barnean. Jarduerek, adibidez, honako hauek bilduko dituzte:
  
  • Kulturen Azoka, hainbat urretxuarren jatorrizko kulturak ezagutarazteko.
  • Harrera Eskola, herrira iritsi berriak direnentzat; herria ezagutzen lagunduko zaie, bai eta herriko erakunde edota zerbitzuen funtzionamendua ezagutzen ere.
  • "Bizilagunak – El vecino de al lado" programa babestea eta programa horretan parte hartzea; SOS Arrazakeria da programa horren bultzatzailea, eta udalak ere hartzen du parte, hainbat jatorritako bizilagunek janariak eta bizipenak truka ditzaten eta elkar ezagutu dezaten.

8.7 Nazioarteko lankidetza: Garapenerako programak bultzatzea, garatzen ari diren herrialdeetako biztanleen baldintza sozioekonomikoak hobetzera zuzendutako programak, hain zuzen ere, kontu-sail hori urtez urte handitzeko konpromiso irmoarekin, Urretxuko Udaleko aurrekontuen % 0'7ra iritsi arte.
Udalak honako hauen bidez laguntzen du:

• Irabazi asmorik gabeko erakundeak, egoitza Euskal Herrian dutenak eta garatzen ari diren herrialdeetan betetzen dutenak beren zeregina.
• Urretxun erroldatutako pertsonak, irabazi asmorik gabeko lankidetza garatzen dutenak GKE batean.
• Euskal Fondoa, Tokiko Euskal Erakundeen Lankidetzarako Elkartea, lankidetza deszentralizaturako koordinazio eta laguntza-tresna Euskal Herrian; horren bidez, hainbat proiektutan hartzen du parte.
• Giza hondamendietarako larrialdiko laguntzak.

8.8 Gizarte izaerako elkarteak laguntzea

• Elkarteak eta urtean zehar herrian ematen diren gizarte izaerako ekimenak laguntzea.

8.9 Eskolako jardueren sustapena

• Ikastetxeei laguntza ematea honako hauetan:
  
  • Berdintasunaren sustapena; genero indarkeriaren eta genero arrazoiengatik ezberdintasunaren prebentzio kanpaina eta programa bitartez, eta berdintasunaren balioa azpimarratzea.
  • Drogomenpekotasunaren prebentzioa, kanpaina eta formazio programen bitartez.

ARDURADUNAK: R. Gamiz, I. Arriaran, M. Fidalgo, I. Agirre

9.1 Urola Garaia Mankomunitatearen 2. Berdintasun Plana

• Gure konpromisoa da Urola Garaia Mankomunitatearen II Berdintasun Planaren diseinuan eta zabaltze lanetan parte hartzea, plan honetatik ateratzen diren Politika eta neurri guztiak sustatuz eta aplikatuz; hala nola:
  • Beldur Barik Programa.
  • Emakumearen Etxea.

9.2  Berdintasun Plana herrian ezartzea

• Genero ikuspegia aplikatzea Udaleko hainbat sailetan gauzatzen diren jarduketa guztietan, adibidez:
  • Hirigintza eta obrak: Herriko gune arriskutsuak zehazten dituen “hiri debekatuaren” mapa buruan izatea kaleak argiztatzerakoan eta obra berriak egiterakoan. Hobekuntza lanak antzemandako arazo-guneetan.
  • Kultura eta Kirolak: Berdintasuna sustatuko duten jarduerak eta ikuskizunak kontratatzea. Berdintasuna ekitaldiak antolatzerakoan, e.a…
• Mankomunitatearen Berdintasun Plana babestea eta osatzea herriko jarduerekin:
  
  • Informazioa banatzea.
  • Haurtzaindegi zerbitzua, herriko jardueretan parte-hartzea ahalbidetzeko (harrera eskola, hitzaldiak, …)
  • Kultur ekitaldiak: kontzertuak, antzerkiak.
  • Hitzaldiak.
  • ...

ARDURADUNAK: R. Gamiz, I. Arriaran, M. Fidalgo, I. Agirre, J. Luqui

10.1 Udal igerilekuak

• Ur-ontziak duen egiturazko hondamen larria eta horrek etengabe dakartzan mantenu-gastuen aurrean, badirudi iritsi dela garaia instalazio honetan berrikuntza sakon bat egiteko, gaur egungo legeriari egokituz eta aforoa erabiltzaile nagusien beharretara doituz, Urretxu eta Zumarragako herritarren beharretara.
• Inbertsioaren tamaina ekonomikoak Gipuzkoako Foru Aldundiaren laguntza eskatzen du.

10.2 Udaletxeko beheko solairua eta lehen solairua berritzea

• Gaur egun Gizarte ekintzako Zerbitzuak eta Udaltzaingoa dauden tokietan berrikuntza osoa egitea izango litzateke, egungo premietara gehiago egokituko den gunea definitzeko eta herritarrentzat inguru zabalagoa.

10.3 PASIOTARREN eraikina

• Ekintza hau eraikinaren erabilerak definitzea eta pixkanaka martxan jartzea izango litzateke. Aldez aurretik hausnarketa lasaia, parte-hartzailea eta orokorra egin beharko da, ideia praktikoak, herrikoiak eta gerora iraunkorrak ekarriko dituena.

10.4 Proiektuak egitea eta berrikustea. Plaza eta parketan inbertsioak gauzatzea

• Jose Mª Lasa parkea.
• Pagoetako aparkalekuak eta haur-parkea.
• Nekolaldeko aparkalekuak.
• Lizeoko parkea.
• Ormazabal etxeko plaza berria.
• "Rascacielos" azpiko elkarteen ingurua.

Proposatutako ekintza horien tamaina ekonomikoaz jabeturik, 2016, 2017, 2018 eta 2019 urteetan zehar egingo dira inbertsioak, beti ere aurrekontuaren erabilgarritasunaren, diru-laguntzen eta Zumarragako Udalarekiko akordioen arabera.

10.5 Bidegorria Antzuola aldera luzatzea

• Deskargako errepidea zabaltzeko obrak eginda, bidegorri bat egokitu da Antzuolako lur sailetan, mendatearen ia goraino doana.
• Urretxu aldeko hegalean, eusko trenbidearen bide zaharra berreskuratzeak eta luzatzeak bi bailarak lotuko dituen bide berdea sortzeko aukera ematen du.
• Funtsean Urretxu aldean egongo litzateke egin beharreko jarduketa, eta Gipuzkoako Foru Aldundiaren babesa eskatuko du bidegorrien eta txirrindularitzako bideen Planaren barruan.

10.6 Obra txikiak

• Beraien tamainagatik ordainketa eta proiektu haundirik behar ez duten obrak, baina gune edo kolektibo jakin batzuengan eragin haundia izan dezaketenak detektatzea izango litzateke. Adibidez: 
  • Jubilatuen egoitzaren barruan dagoen komuna handitzea eta bere ingurua egokitzea:
  • Gainzurin baratza eta konpostajerako kokapen berria.
  • Santa Barbarako eszenatokia.
  • Skate pista, …

ARDURADUNAK: Inbertsioen Jarraipenerako Taldea (IJT), J. Albisua, I. Zubillaga

11.1 Mantentze Plan zuzentzailea eta prebentiboa

• Funtsean udal brigadan oinarritutako mantentze programa bat definituko da, herri barruan eguneroko jardunerako behar diren zerbitzu guztiak etengabe prest izateko.
  Beharrezko.
• Beharrezko ekintza prebentiboak eta zuzentzaileak jasoko dituen agiri bat izan behar du, urteko zikloetan, herriko azpiegitura guztien iraunkortasun egokia bermatuko duena.
  
  • Kirol instalazioak.
  • Instalazio administratiboak.
  • Kultur jardueretarako azpiegiturak.
  • Aisialdi guneak.
  • Hirugarren adineko pertsonek erabiltzeko guneak.
  • Oro har, udal ondarea.
  • Beharrak zehaztu ondoren, erabilgarri dauden baliabideen balorazioa egingo da, karga/gaitasuna erlazioa kanpoko laguntzaz orekatuz.

11.2 Mantentze Planari loturiko Hezkuntza Plana
11.3 Brigadaren ekipamendua eta baliabideak

• Gaur egun erabiltzen diren baliabideak berritzea eta tresna berriak erostea, mantentze planean zehaztutakoaren arabera.

11.4 Lur zorua hobetzeko plana

• Mantentze planaren barruan, baina berezko izaeraz, helburua da, urteroko diru-partida baten bidez, herriko kale eta bideetako lur zorua berritzen joatea. Honako hauek daude aurreikusita berehala:
  • Barrenkale.
  • Madaya aparkalekua.
  • Labeaga-Ipeñarrieta bidegurutzea (2016rako proiektua)
  • Pagoeta parkea-lorategia

ARDURADUNAK: B. Etxaniz, P. Lazkano, J. Albisua, I.Zubillaga

11.5 Espaloiak hobetzeko plana

• 11.4 ekintzaren antzeko ikuspegitik, aldez aurretik erabili beharreko baldosa moten estandarizazioa azterturik, ezaugarri estetikoak eta funtzionalak lehenetsiz, Labeaga kalean eta Goldeneko plazatxoan egingo dira lehen jarduketak, "Ormazabal etxeko" etxebizitza berrietako obren aurrerapenarekin koordinatuz.

11.6 Ur saneamenduaren sare orokorra

• Mantentze planaren barruko ikuspegi partikular batekin hau ere, sare orokorraren barruko gune kritikoak aztertuko dira, zaharkitze arazoak dituztenak eta ur haundiak datozen uneetan arriskua sor dezaketenak, edo besterik gabe zerbitzurako irizpide berrietara egokitzeko beharra dutenak identifikatuz.
• Sare barruan honako gune hauek izango dira berehala egin beharrekoak:
  • Lilibasoko jaitsiera
  • Institutua-Mundo Mejor kanpa
  • Pagoeta auzoa – Ikastolako jaitsiera

ARDURADUNAK: B. Etxaniz, J. Albisua, I.Zubillaga

12.0 HIRI-ANTOLAMENDURAKO PLAN OROKORRAREN IDAZKETA

• "Urretxuko Planeamenduko Arau Subsidiarioen Testu Bateginak", 2012ko ekainaren 26an Gipuzkoako Foru Aldundiko Diputatuen Kontseiluaren erabakiz onartua, gure herriak gaur egun dituen beharrei erantzuten ez dieten aurreikuspenak jasotzen ditu, hainbat eremutarako ez du erantzun zehatzik, eta zuzendu beharreko fitxa ugari ditu, euren garapena ez galarazteko behar den segurtasun juridikoa eman ahal izateko; hortaz, ez litzateke posible izango Arau Subsidiarioak Plan Orokor bihurtzea, eta horretarako Hiri-Antolamendurako Plan Orokor berria idatzi beharko litzateke.
• Plan Orokor berriaren helburua izango da Urretxuko etorkizun urbanistikoari erantzungo dioten irizpideak eta jarraibideak zehaztea, eta zehazki esanda, datozen urteetako hirigintza-antolamendua. Hori lortzeko gure eginkizuna izango litzateke oraingo eta geroko beharrei erantzuna ematea hainbat arlotan: hala nola, etxebizitza, jarduera ekonomikoak, inguru naturala, ekipamenduak (kirol instalazioak, ikastetxeak, kulturalak, sozialak, e.a…), gune libreak, mugikortasuna eta garraioa (kale eta errepideak, oinezkoen eta txirrindularien ibilbideak, e.a…), hiriko Zerbitzuak (ura, saneamendua, hondakinak, elektrizitatea, telekomunikazioak…), e.a…, beti ere datozen 8 edo 10 urteetarako, gutxi gorabehera.

12.1 HIRI-ANTOLAMENDURAKO PLAN OROKORRAREN IDAZKETA -1 FASEA

• Indarrean dauden Arau Subsidiarioen fitxa urbanistikoetan eragina izan dezaketen arazoei soluzio teknikoa emateko azterketa, diagnosia eta proposamen fasea: Lehenengo fase hau gauzatzeko udal arkitektoak ematen dituen zerbitzu profesionalen kontratua luzatu da, 2016ko abendura bitartean fitxa urbanistiko guztiak azter ditzan, diagnostikoa egin eta horietan egon daitezkeen arazoei soluzio teknikoa emateko proposamena egin dezan.

12.2 HIRI-ANTOLAMENDURAKO PLAN OROKORRAREN IDAZKETA -2 FASEA

• Erakusketa eta talde politikoen arteko negoziaketa fasea, Plan Orokor berria ahalik eta adostasun haundienarekin onartzea ahalbidetuko duena: Lan teknikoa egitearekin batera, eta hamabosteroko maiztasunarekin, udal arkitektoak egingo duen proposamen teknikoaren inguruan talde politikoen aldetik ahalik eta atxikimendu zabalena lortzeko ahalegina egingo da.

12.3 HIRI-ANTOLAMENDURAKO PLAN OROKORRAREN IDAZKETA -3 FASEA

• Herritarren parte-hartze fasea: Planeamendu berriaren inguruan behar den atxikimendua lorturik, eta Plan Orokor berriaren idazketa formala talde tekniko bati agindu aurretik, 15 eguneko epea irekiko litzateke Urretxuko herritarrei aukera emateko hirigintza antolamenduaren zehaztasunak ezagutzeko, horren edukia, osatzen duten proiektuak, aurreikuspenak, herritarrak behar bezala informatuta egon daitezen, beti ere gaur egungo egoeraren eta Plan Orokor berrian aurreikusitako irudiaren informazio adierazgarria eta konparagarria erakutsiz.

12.4 HIRI-ANTOLAMENDURAKO PLAN OROKORRAREN IDAZKETA -4 FASEA

• Hiri-Antolamendurako Plan Orokor berriaren idazketa formalaren fasea: Planeamendu berria idatziko duen taldeak dokumentuari forma emango dion fasea izango da, aldez aurretik udal arkitektoak egindakoa eta Udalean ordezkaritza duten talde politikoen atxikimendu zabalena izango duena. Fase hau amaituta egon beharko du 2017ko urria baino lehen, planeamendu berriaren tramitazioa eta onarpen faseari hasiera emateko.

ARDURADUNAK: I. Mendizabal, M.J. Begiristain, I. Zubillaga

12.5 HIRI-ANTOLAMENDURAKO PLAN OROKORRAREN IDAZKETA -5 FASEA

• Hiri-Antolamendurako Plan Orokor berriaren tramitazio eta onarpen fasea: Fase honetan Udalak planeamendu berriari emango dio onarpena, ondoren jendaurrean erakutsiz. Jendaurreko informazio prozesuaren emaitza ikusirik, Plan Orokorraren onarpena egingo da, bidezko diren aldaketak eginez. Lurralde Antolamendurako Batzordearen txosten loteslea lortutakoan, eta hortik etorritako aldaketak egin ondoren, behin betiko onarpena emango zaio Plan Orokorrari; azken tramite hori Udalari edo Gipuzkoako Foru Aldundiari egokituko zaio, beti ere Urretxuko biztanleriaren arabera. Azken fase hau 2018ko ekitaldia amaitu baino lehen bukatuta eduki nahi da.

ARDURADUNAK: M.J. Begiristain, I. Zubillaga

13.1 Urretxuko Tokiko Agenda 21 Planaren ezarpena, aldaketa klimatikoari buruzko planaren idazketa barne dela

• Tokiko Agenda 21 ekintza Plana berrikusiko dugu eta prozesu hau aprobetxatuko dugu (dokumentazioa, barne hausnarketa, herritarren parte-hartzea, …) bertan txertatutako estrategia adierazgarrienak sakonki sustatzeko, hala nola Aldaketa Klimatikoaren aurka borrokatzeko Programa (arintze eta egokitze alderdietan) eta Mugikortasun Jasangarriko Plana.

13.2 Argiteria publikoan energia-eraginkortasuneko neurrien ezarpenaarekin jarraitzea

• Urretxuko Udala udal planifikazio energetikoa garatzen ari da Energiaren Euskal Erakundearen laguntza ekonomikoarekin. Energia-eraginkortasunaren inguruan hartutako neurrien helburua CO2 emisioak murriztea da eta gaur egungo energia-baliabideak aprobetxatzea, mantenu eta hornidura gastuen murrizketa eskainiz.

13.3 Ekoscan ziurtagiriaren ezarpenaarekin jarraitzea

• 2016 urtean zehar ziurtagiriaren lehen maila lorturik, legealdi amaierarako ziurtagiri osoa (4 maila) lortzea da helburua.

13.4 Hiri hondakinak biltzeko sistema berria. Gaikako bilketarekiko eta birziklatzearekiko konpromisoa

• Urretxuk %45 inguruko portzentajea lortu du hiri hondakinen gaikako bilketan, tasa txikiegia oraindik; hortaz, jauzi kualitatiboa emateko eta gutxienez %70eko helburua lortzeko unea iritsi da, ingurumeneko arrazoiak nahiz ekonomikoak kontuan izanik. Horretarako, birziklapenean oinarritutako gaikako bilketa sistema berria hartuko du Urretxuk, baina aldi berean kontenedoreen sistemak eskaintzen dituen abantailak eta erraztasunak mantenduz. Horretarako, sistema ezarri aurretik, sentsibilizazio kanpainak egingo dira.

ARDURADUNAK: A. Lizarralde, J. Albisua, I. Zubillaga

14.1 Auzobusa

• Zerbitzua gaur egun bezala ematen jarraituko da; ordutegien eta ibilbideen efikaziari buruzko balorazioa egingo da urtero, eta lortutako emaitzen arabera egokitzapenak egin.

ARDURADUNAK: A. Lizarralde, J. Albisua, I. Zubillaga

14.2 Goialdeko eta urrutiko auzoetarako irisgarritasunaren azterlana berrikustea eta egokitzea

• Lehendik badago arazo hau aztertu duen azterlana. Legealdi honetan zehar berrikusi egingo da eta gaur egungo egoerara egokituko da.

14.3 Arkitektura-oztopoak kentzeko azterlana berrikustea eta egokitzea

• Lehendik badago arazo hau aztertzen duen azterlana. Legealdi honetan zehar berrikusi egingo da eta gaur egungo egoerara egokituko da.

ARDURADUNAK: B. Etxaniz, I. Mendizabal, I. Zubillaga, J. Albisua

14.4 Trafikoaren joan-etorriak berrikustea, aparkaleku eta zamalanetarako gune berrien premia baloratuz

ARDURADUNAK: X. Ubera, B. Etxaniz, J. Albisua, I. Zubillaga

15.1 Herriko Larrialdi Plana eguneratzea

ARDURADUNAK: I. Zubillaga, J. Albisua, X. Ubera, P. Lazkano, B. Etxaniz

15.2 Larrialdietako zerbitzuen sarbidea bermatzea herriko kale guztietara

• Larrialdietako zerbitzuen sarbideak aztertzea eta horiekiko koordinazioa
• GILTZAGUNE eguneratzea eta jarraipena
• Sarbide eta segurtasun sistema oso baten ezarpena aztertzea

ARDURADUNAK: I. Zubillaga, J. Albisua, X. Ubera

16.0 Bake eta bizikidetza politikak herri mailan biltzea sustatzea

• 2011ko urrian ETAk indarkeriaren amaiera iragarri ondoren, bakea behin betiko sendotzea eta bizikidetza normalizatzea herritarren, elkarteen eta politikoen interpelazioak dira, euskal erakundeetan oihartzuna eta isla dutenak. Udal eremua da gune instituzional gertuenekoa elkartearen oinarrian eguneroko bizikidetza eraikitzeko. 2013/11/26an Eusko Jaurlaritzako Kontseiluak onartutako 2013/16 Bake eta Bizikidetza Plana, aurreko legealdian Eusko Legebiltzarrak onartutako “zoru etikoa” deitutakoa, eta 2015/10/29an Udalbatzak osoko bilkuran onartutako Adierazpena (Urretxuko Udalak herriko eremuan biktimen aitortza eta memoria jarduerak sustatzeari buruzkoa) oinarri hartuta.

16.1 Bizikidetzaren Udal Plana egitea

• Bizikidetza Plana prestatzeak hainbat ekintza aurreikusten ditu eremu politikoan, herritarrekin, formazio eta zabalkunde eremuetan. Giza duintasunaren etikaren printzipioan eta giza eskubideen konpromiso etikoan eta osoan oinarriturik, gure herriko eremutik bakearen eta giza eskubideen kultura sustatzea izango da helburua, indarkeriaren amaiera behin betiko eta itzulerarik gabe sendotzen laguntzeko, eta bizikidetzaren normalizazio soziala bideratzeko. Aniztasunarekiko errespetua oinarrizko funts demokratikoa da eremu honetan jarduteko, adostasunak sortzeak bere biziko garrantzia baitu. Gure herrian, ezberdinen artean, oinarrizko akordio sozial eta politikoak bilatzea eta bultzatzea izango da oinarrizko irizpide soziala Bizikidetza Plan hau legealdiko proiektu sendo bat izan dadin.

16.2 Bizikidetzarako Udal Planean zehaztutako ekintzak bultzatzea

• Iradokizun gisa, eta lor litezkeen akordioen zain, aukera zabala proposatzen da: bake eta bizikidetzarako udal batzordea, herritar foroak eta bizikidetza anitzeko esperientziak, memoria politika udal eremuan, bakearen, bizikidetzaren eta giza eskubideen kultura baterako edozein ekimen.

ARDURADUNAK: J. Luqui / talde sozialak eta politikoak

17.1 Kultur instalazioak eta ekipamenduak egokitzea, irisgarriak, lagunkoiak eta herritarren beharretara egokituak izan daitezen

• Beharrezkotzat jotzen da kultur instalazioak gaur egungo beharretara egokitzea. Jarduerak nahiz baliabideak aldatzen joan dira, eta beraz, gaur egun dauden guneak egokitu beharra ikusten da. Gainera, gune bakoitzari eman beharreko baliabideak eman beharko zaizkio, bertan egiten diren jarduerak eta ekimenak gauzatzeko.
  
  • Kultur Etxea
    • Lorategi ingurua berreskuratzea hainbat kultur jarduera egiteko.
  • Juan de Lizarazu
    • Urteko erakusketa plana bultzatzea eta indartzea, herriko eta kanpoko ekoizpena nahastuz, herriko artistei arreta berezia eskainiz
    • Erakusketa material berriak eta modernoak ematea aretoari (peanak, bitrinak, …), teknologia berriak, …
  • Aretoa Labeaga, haur eta musika programazioaren egoitza
    
    • Instalazioaren azterketa egitea, probetxu hobea ateratzeko eta gaur egungo erabilera anitzetarako beharretara hobeto egokitzeko.
    • Haurrak altxatzeko aulkiak erostea
    • Argi eta soinu instalazioen mantenurako plan baten beharra aztertzea.

17.2 Kultur adierazpen ezberdinak bultzatzea herritarren artean euren aisialdian sartzeko, eta horretarako kultur ekimen eskaintza zabaltzea

• Kultura oinarrizkoa da norberaren garapenerako eta kohesio sozialerako. Ondorioz, kultur adierazpen ezberdinez gozatzeko aukera eskaini nahi dugu, herriko talde eta elkarteen eskaintza osatuz.
  
  • Kultura zabaltzeko, sustatzeko eta sortzeko jarduerak antolatzea, antzerki egitaraua, ikastaroak, erakusketa plana, hitzaldiak, lehiaketak, …
  • Kultur elkarte eta taldeentzako diru-laguntza lerroa mantentzea, eta beraiekin lankidetzan aritu jardueren antolaketan.
  • Gainera, kalea eta gune publikoak indartuko ditugu kultur gune gisara, Santa Barbarako kontzertuak bezalako ekimenak bultzatuz, eszenatoki iraunkorra egokituz.

ARDURADUNAK: M. Fidalgo, J. Luqui

17.3 Herriko ikastetxeen kudeaketan lankidetza aktiboa

• Ikastetxe bakoitzeko zuzendaritza eta gida batzordeetako bileretan parte-hartze aktiboa izatea.
• Eskolaz kanpoko jarduerak diruz laguntzea, gure haur eta gazteen heziketa integralean laguntzeko.
• Ikastetxeekin elkarlanean eta koordinatuta, ikasleei zuzendutako jarduerak egitea.

ARDURADUNAK: J. Luqui, I. Zubillaga, J. Albisua

17.4 Irakurzaletasuna sustatzea, Liburutegia ezagutaraztea eta horren erabilera bultzatzeko

• Udal Liburutegia oinarrizko zerbitzua da; erakargarria izatea eta herritarren zerbitzura egotea nahi dugu. Horregatik ezinbesteko iruditzen zaigu agiri berrien funtsa sendotzea eta zerbitzu hau ezagutarazteko jarduerak egitea.
  
  • Liburutegiari funts berriak ematen jarraitzea.
  • Baliabideak automatizatzen eta modernizatzen jarraitzea.
  • JARDUEREN ANTOLAKETA:
  • Herriko idazleak bultzatzea hitzaldien eta liburu aurkezpenen bitartez...
  • Mahai-inguruak herriko idazleekin, e.a…
  • Liburutegia kalera ateratzea, herritarrari gerturatu ekintzak antolatuz: Liburuak Plazara, Bibliopiszina, e.a…
  • Haurrentzako ekintzak antolatzea: ipuin kontalaria, tailerrak, e.a…

17.5 Urrelur Museoa

• Mineral eta fosilen mundua zabaltzea jende guztiari, modu erakargarri eta didaktikoan, arlo honetako erreferentzia gune bihurtuz, eta Urretxuri tokia emanez eremu museistiko eta turistikoan.
• SICTEC kalitate planean parte hartzea, instalazioaren zerbitzu onena bermatzeko.
• Teknologia berriak jartzea, erabiltzaileen eskaerari kudeaketa moderno eta arin batekin erantzuten laguntzeko.
• Edukiak ikuspegi pedagogiko didaktiko batetik lantzea.
• Museoa herritarrei gerturatzeko asmoz, museoa kalera ateratzea, hainbat ekintzak antolatuz, hala nola: txangoak (autobusa gela bihurtzen denekoa), parke mineralogiko eta paleontologikoak (bizi esperientzia), feriak, Urretxun eta inguruetan zehar ibilbide geologikoak, e.a…
• Mankomunitateko turismo sailarekin zuzenean parte hartzea.
• Gune propioa izatea eskualdeko turismo eta kultura eskaintzan.

ARDURADUNAK: M. Fidalgo, J. Luqui

17.6 Schwarzenbruck

• Senidetzea indartzea kultura, gizarte eta kirol esparruetan, 25. Urteurrenaren ospakizunarekin.
• Schwarzenbruck herriarekiko eta inguruko harremanetan eduki ekonomikoa txertatzea.

ARDURADUNAK: M. Castillo, J. Luqui

18.1 Udal taldeen artean jarduera fisikoa sustatzea

• Kirolaren bitartez herritarrek egiten duten jarduera fisikoaren kantitatea eta kalitatea handitu nahi dugu, horrek onura ugari dakar eta. Horretarako, kiroldegian eskaintzen diren zerbitzuen katalogoa handituko dugu, herritarren nahiak eta beharrak asetuko dituen eskaintza zabal bat izan dezagun.

18.2 Kirol instalazioetako plegu berriak berrikustea, prestatzea eta esleipena egitea

• Urretxuko Udalaren kirol politikaren helburua herritar guztientzako bizitza osasungarria lortzea da, biztanle guztien premia fisiko eta kirolekoak asetuz. Aipatutako politika kontuan izanik, plegu berriak prestatuko dira, Urretxuko Udalaren kirol instalazioetan zerbitzu ezberdinak eta baldintza egokietan bermatu ahal izateko. Arreta berezia eskainiko zaio kontratuaren jarraipenari eta kontrolari.

ARDURADUNAK M. Cristóbal, J. Luqui, I. Zubillaga, M. Fidalgo

18.3 Elkartegintza oinarri hartuta, Udalaz gaindiko kirol jarduerak sustatzea

• Herritarren babesa duten kirol jarduerak indartu, babestu eta mantendu nahi ditugu: mendi martxak, txirrindulari probak, hainbat txapelketa, …

ARDURADUNAK: M. Cristobal, J. Luqui, I. Zubillaga, J. Albisua

18.4 Eskola Kirola bultzatzea kirol federatuaren, herrikoiaren eta ohitura osasungarrien oinarri gisa

• Herri mailako eskola kirola sendotzea eta indartzea, Gipuzkoako Foru Aldundiarekin, federazioekin, ikastetxeekin eta herriko kirol elkarteekin elkarlanean.

18.5 Ederrena pilotalekua

• Era guztietako ekitaldietan erabiltzearen ondorioz, pilotalekuko zorua hondaturik dago eta konponketa lana eskatzen du, lur zorua egoera onenean egon dadin pilotan jokatzeko.

ARDURADUNAK: M. Cristóbal, J.Luqui, I. Zubillaga

19.1 Jai Nagusiak, auzoetakoak eta tradizionalak sustatzea eta eguneratzea, herriko elkarte eta taldeekin lankidetzan

• San Juan eta Santa Anastasia jaiak zaindu, sustatu eta eguneratu nahi ditugu, eta gainera euren nortasuna duten auzoetako jaietan laguntza eman, San Martin eta Geltokietako jaiak, eta nola ez, Inauteriak edo Olentzero moduko beste jai tradizional batzuk indartu eta bultzatu. Eta jendearen eta taldeen inplikazioa zerbaitetarako behar bada jaiak antolatzeko da, horien arrakasta herritarren inplikazioaren araberakoa izango baita.
• Jaietan modu aktiboan parte hartzen duten elkarte eta taldeentzako diru-laguntza lerro bat mantentzea.
• Denon artean denontzako jaiak egitea ahalbidetuko duen parte-hartze eredu baten bidez jaiak antolatzea.

ARDURADUNAK: J.Luqui, M.Castillo, Herriko elkarte eta taldeak

20.1 Administrazioa euskalduntzea

• Udal jardunean euskalduntze maila (erabilera) sustatzea eta areagotzea.
• ESEP Euskara Sustatzeko Ekintza Plana oinarri hartuta, euskararen erabilera bultzatzea eta indartzea.
• Udal zerbitzuetako Hizkuntza Politika erabakitzea eta martxan jartzea, honako hauei dagokienez:
  • Itzulpen politika eta ahozko erabilera.
  • Hizkuntza ofizialak erabiltzeko irizpideak.
  • Langileak aukeratzeko irizpideak.
  • Kontratazio administratiboetarako irizpideak.
  • Udal ordezkarien konpromisoa, euren jardunean euskararen erabilerari lehentasuna emateko.

20.2 Gure herrian dauden gainontzeko nortasunekiko errespetua eta harremana aintzat harturik, Urretxuren euskaldun nortasuna indartzea eta sakontzea, hemengo kultura eta ohituren transmisioa eginez

• Euskarazko kultur jarduerak sustatzea.
• Nerabeekin eta gazteekin euskararen erabilera bultzatzea beraien aisialdian: Mingainluze, e.a… Baita ere gainontzeko gizarte taldeekin eta oro har herritar guztiekin.
• Herriko historia eta ohituren inguruan dagoen materiala zabaltzea, horren sorkuntzan jarraitzea eta zehar-lerro gisa lantzea (eskoletan, adin nagusikoekin, kultur elkarteekin, adituekin, e.a…

ARDURADUNAK: M.J Begiristain, J.M. Alberdi, J. Luqui

21.1

• Gipuzkoako Haur eta Gazteen Sustapenerako Sistema, Gaztematika, garatuko dugu herri mailan. Horretarako, ezinbestekoa da sistema hori zer den ezagutaraztea, eta ondoren, hori garatzeko behar den egitura sortzea.
• Aintzat hartuko dugu haurren, nerabeen eta gazteen arreta, egiten duguna hobetzeko eta jarduketa lerro berriak martxan jartzeko. Nerabeen zerbitzuarekin jarraituko dugu eta 2016an amaituko da zerbitzua hobetzeko planifikazioa. Haurren eta gazteen premiak ere aztertuko ditugu. Azken finean, haurrak, nerabeak eta gazteak bizitzen ari diren garaiaz goza dezaten eta euren autonomia garatu dezaten estrategiak eta jarduerak jarriko ditugu martxan.
• NERABEAK: GAZTEBIDEAN zerbitzutik beraiekin lan egingo dugu, beti ere GAZTEMATIKAren lan lerroen barruan.
• HAURRAK: Opor garaian aisialdiko heziketa jarduerak eskaintzea: udalekuak, Aste Santuan eta Gabonetan.
  
  • Aisialdi-heziketa eskaintzarekin jarraituz: joko parte-hartzaileen programazioa, zinea eta antzerkia, igande arratsaldeetan eta urtero.
  • Haurrentzako PARKE ESTALIA azterlana amaitzea.
  • Gizarte Ongizatearekin koordinazioa, arrisku egoeran dauden adin txikikoen detekzioa eta esku-hartzea egiteko.
  • GAZTERIA: GAZTELEKUAREKIN lan egitea koordinazio hobea lortzeko.

ARDURADUNAK: M. Castillo, J. Luqui, M. Fidalgo