Baserriko bizimodua, XIX. mendeko aldaketa zakarrak, emigrazioa, garaiko pertsonaiak, Iparragirre, Zumalakarregi anaiak, Gaspar de Jauregi... elementu horiek ezagutzea ezinbestekoa da gaur egungo gizartea ulertzeko. Proiektu honek hori egiten laguntzen digu.

Bisita konpletua hiru etapa edo bisitez osatua dago, eta hauek gidatuak (hilean behin) edo autonomoak izan daitezke, mugikorra eta QR kodeak erabiliz, zeinak  tokiaren ezaugarriak eta Iparragirreren bizitzako pasarteak  kontatuko dizkiguten.

Urretxu herria

Iparragirre eta Gaspar de Jauregiren jaioterria: jaiotetxea, alde zaharra, estatua, parrokia, hilerria eta beste hainbat puntu estrategikotan QR kodeak ezarriko dira, telefono mugikorrarekin irakurtzean tokiko historia eta Iparragirreren bizitzako pasarteak kontatuko dizkigutenak. Iparragirre eta bere herriaz gain, Angela Kerexeta emaztea eta garaiko emakumeen bizitza ezagutzeko aukera ematen digu bixita honek.

Hileko lehen igandean bisita gida profesional batek egingo du, eta Angelaren bizitzan sakonduko duen  interpretazio bat ere egingo da

Zumalakarregi Museoa

• Tomas Zumalakarregi, jeneral karlista eta Migel Zumalakarregi, politiko liberala.
• Aintzin Erregimenetik Liberalismorako pasabide bortitza, Frantzes Iraultza eta Gerrate Karlisten sorrera eta ondorioak. Bigarren Gerrate Karlista.
• Leopodina Rosa, XIX. mendeko migrazioa XXI.ean islatua, erakusketa, 2019-09-20/2019-03-22

Igartubeiti Baserri Museoa

• Dolare baserrien sorrera eta bilakaera.
• Baserriko bizimodua
• Erdi Aroko azken mendeetan gerrari feudalen indarkeriak izua ekarri zuen Euskal haranetako baserritarren artera. Orduan hiribilduen babesa bilatu zuten nekazariek. Ezkioko eta Zumarragako jendeak erregeari eskatu zion hiribildu harresitua sortzeko bere burua babesteko. Tartean zegoen Pedro Yartua, Igartu etxearen jabea, 1383an Urretxuko Villarreal edo hiribildua sustatu zutenean.