Urretxuko arte tailerrak, asteazkenero eskaintzen dituen margo eskolez gain, urtean zehar unean uneko ikastaroak eskaintzen ari da, gai eta teknika ezberdinak landuz. Atxikitutako artxiboan ikus dezakezue 2018 urterako antolatutako programazioa.

Datozen jai eta opor egunetan aukera asko izango dira Urretxun aisialdiaz gozatzeko. Alde batetik, Santa Barbara aterpetxeak antolatutako ekintzak ditugu. Ezin ahaztu gainera bertan dugun mikro-orientazio zirkuitua, bertako zelaietan jolastu eta gozatzeko. Aikur erke museoa ere gertu dugu. Eta pazko astean, txikientzako tailerrak izango dira Ederrena pilotalekuan. Gainera aurten cricket ikastaroa ere egingo da Lizeoko zelaian.  

Atsegin handiz aurkezten dugu berriro TXO! Kolektiboaren lana Urretxun. 27 urte pasa dira beraien lehenengoetako erakusketa izan zena gure herrian jarri zutenetik (1991) eta ibilbide luze honetan zehar kolektiboa hazten joan da, etengabe, bai artista kopuruan baita sorkuntza lanean ere.

Larunbatean, otsailak 17, Labeaga aretoa goraino bete zen, 1936ko gerraren eta ondorenaren testigantzak entzuteko.

Aurkezpen ekitaldian Urretxu eta Zumarragako 72 herritarren testigantzak biltzen dituen liburua eta DVDa aurkeztu ziren.

Urretxu eta Zumarragako udalek, memoria historikoa berreskuratzeko prozesuetan konpromisoa harturik, ikerketa beka baterako deialdia egin zuten, nazioarte mailan oinarrizko eskubideetako bat betetzeko asmoz, hain zuzen ere  1936ko altxamendu militarrean, Gerra Zibilean eta frankismo garaian giza eskubideen arloan izandako urraketa larrien ondorioz kalteturik gertatu zirenek egia jakiteko eskubidea.

Urretxu eta Zumarragako Musika taldeak otsailean hasiko dira Sarraldeko entsegu lokalak erabiltzen. Lau lokal egokitu dira eta 18 taldek entseatuko dute. Urretxuko eta Zumarragako udalekin erabilera araudi bat adostu dute eta txartel batekin sartu eta irtengo dira.

"Zinetxiki Zinemaldia”, Haur eta Gazteentzako Nazioarteko Zinemaldia, Urretxura heldu da. Zinemaldiaren sekzio ofizialean parte hartu duten filma esanguratsuenak Urretxuko Labeaga aretoan ikus ahal izango dira.

2018 urteko haurrentzako antzerki egitaraua osatuta dago. Guztira  5 lan izango dira, 4 Labeaga aretoan eta beste bat, Pirritx, Porrotx eta Marimototsena, Ederrena pilotalekuan. Bonoak eta pailazoen saiorako sarrerak otsailaren 16a arte salgai Aizpurunea kultur etxean. Hemen duzue informazio osoa eta baita deskargatzeko egitaraua ere.

HELDUENTZAKO ANTZERKI PROGRAMAZIOA

2018 urteko antzerki egitaraua osatuta dago. Helduentzako 8 lan izango dira, 4 euskeraz eta beste 4 erderaz. Bonoak laster jarriko dira salgai. Hemen duzue informazio osoa eta baita deskargatzeko egitaraua ere.

Urretxu eta Zumarragako udaletako kultura batzordeek  NARRATIBA ETA POESIAKO IPARRAGIRRE SARIAK 2017  lehiaketarako deia egin zuten eta dagoeneko badakigu nortzu diren irabazleak. Honekin batera doan Félix Maraña epaimahaiko presidentearen aurkezpen idatzia eta akta ikusi dezakezue.

Abenduaren 22an Urretxuko Liburutegiko ekitaldi txokoa irrifarrez, algaraz eta txaloz bete zen gure herrietako margolari eta idazle gaztetxoei merezitako sariak ematerakoan. Urteroko moduan Urretxu eta Zumarragako udalek haurrentzako Gabonetako Lehiaketak antolatu zituzten eta urteroko moduan haur, guraso eta ikastetxeen inplikazioari esker parte hartzea izugarria izan zen, ZORIONAK! Hemen ikusi dezakezue sari banaketaren bideoa.

Krisma irabazleak Urretxuko kultur etxeko sarreran daude ikusgai eta ondorengo artxiboetan ere bai.

"Ipeñarrietarrak, austriarren zerbitzupeko leinua" liburua argitaratu da eta abenduaren 16an egin da aurkezpen ekitaldi herrikoia.