Ekainaren 17n, arratsaldeko 5etan, Urretxuko Liburutegian, ”Txoko inklusibo” berriaren aurkezpena egingo dugu. Bertan Maider Aranzadik "Ipuin guztiak guztiontzat!”  aurkezpen-hitzaldia emango du. Gainera Liburutegiak erositako "Lupa adimendun" berria ezagutu eta probatzeko aukera ere izango dute erabiltzaileek. 

Txoko inklusiboaren ezaugarriak ezagutzera emango ditugu eta baita horretarako egin diren eskuratze berriak ere, batez ere haurrentzako liburuak.

POLTSIKOKO LUPA ADIMENDUNA

Urretxuko liburutegian "Lupa adimendun" bat LUP enpresarena erosi dugu. Aparatu honen berritasuna da lupa tradizionalaren funtzioaz gain, testua 4 hizkuntzatan eta 2 segundo baino gutxiagotan ahots bihurtzeko gai dela. Horrela, irakurketa ikusmen- edo ikaskuntza-zailtasunak dituzten pertsonengana hurbilduko da. Irakurketan irisgarritasunaren beharra betetzeko beste modu bat da. Era berean, Irakurketa Erraza eta Letra Handiko edizio berriak eskuratu ditugu.

Euskal startup baten asmakizuna da, TFG gisa sortu zena eta urte gutxiren barruan enpresa-arrakasta bihurtu dena. Horren produktua dagoeneko gurea bezalako liburutegietan, eguneko zentroetan eta herrialdeko beste leku batzuetan aurki daiteke. Forbes aldizkari ospetsuak onartu berri ditu haren sortzaileak.